Модриќ: Ова е ЛШ, мораме да…

Реал Мадрид го забележа третиот пораз во петтиот натпревар во Лигата на шампионите и тоа на гостувањето кај Ливерпул на „Енфилд Роуд“.

Домаќините беа подобри, поконретни и со два гола во второто полувреме дојдоа до трите бода и задржување на перфектниот учинок во оваа конкуренција.

Бранителот на трофејот по овој негативен резултат се наоѓа дури на 24 позиција на табелата, но до крајот има уште три рунди против Аталанта, Салцбург и Брест и искусниот Лука Модриќ е оптимист дека работите ќе си дојдат на свое место иако е свесен дека мора да бидат на повисоко ниво.

-Бевме добри во одбраната, компактни. Имавме контранапади, но во последната третина нешто ни недостигаше. Топ 8? Има уште шанси, но мораме подобро. Ни претстојат три тешки натпревари, особено против Аталанта. Ќе видиме, сè уште е рано.

-Ова е ЛШ, има тешки моменти. Мора да се подобриме и да играме подобро. Бевме добри во првото полувреме, потоа имавме пенал, но не го реализиравме. Потоа го постигнаа вториот гол, -истакна Хрватот.