Модриќ купи акции и стана косопственик во поранешен англиски премиерлигаш (Фото)

Лука Модриќ не планира да стави крај на играчката кариера и негов план е да остане уште една година во Реал Мадрид, но истовремено, Хрватот работи и на други проекти кои можат да го задржат во фудбалот по крајот на незаборавно играчко патување.

Како што известува угледниот новинар, Фабрицио Романо, хрватскиот ветеран си осигурал интересен проект во англискиот фудбал, откако решил да стане малцински сопственик на поранешниот премиерлигаш Свонси.

Популарните „лебеди“ во овој момент се натпреваруваат во Чемпионшип лигата и се наоѓаат на 12-то место на табелата, но со новиот косопственик, планот е од наредната сезона да се стремат кон влезе во елитата.

Во својата ексклузива, Романо не открива колкава сума на пари вложил Модриќ во новиот фудбалски проект, но затоа потенцира дека овој повлечен потег не менува ништо кога е во прашање неговата играчка кариера.

Лука и натаму останува цврсто на ставот дека ќе игра фудбал најмалку уште една година, па сега останува да се види дали тоа ќе го прави во Реал Мадрид, или во некој друг клуб.

🚨 EXCLUSIVE: Luka Modrić, set to become new Minority Owner at Swansea.

Modrić will become one of the owners of the Championship club, deal agreed 🦢

❗️ This does 𝐧𝐨𝐭 affect his pro career, as he wants to continue playing for Real Madrid again, as reported last month. pic.twitter.com/Us0sb9k204

— Fabrizio Romano (@FabrizioRomano) April 14, 2025