Модриќ ја издвои омилената „десетка“ од младите ѕвезди: Тој има светла иднина

Лука Модриќ е вид на фудбалер кој за жал полека изумира во модерниот фудбал, бидејќи во ера во која максимален фокус се става на силата и спринтерските способности, се поретко гледаме млади фудбалери со техничка дарба каква што има Хрватот.

Позицијата „десетка“ е се поретка во светскиот фудбал и за тој проблем веќе имаат зборувано легендарни фудбалери како Зинедин Зидан и Лионел Меси, но сепак Модриќ во еден фудбалер препознава потенцијал кој може да направи „10-та“ да опстои на европската сцена.

Станува збор за големиот турски талент кој настапува во редовите на Јувентус, а кој „старата дама“ го означи како фудбалер кој може да биде наследник на легендарниот Алесандро Дел Пјеро.

Италијанскиот великан му ја додели „10-та“ на Турчинот на стартот на сезоната, играч од чиј потенцијал е воодушевен и Модриќ.

– Јилдиз има поинаков стил на игра од многу млади фудбалери и навистина ми се допаѓа. Тој е талент кој посебно ми падна во очи и според мене, тој ќе има светла иднина како „десетка“ во модерниот фудбал, – вели Модриќ.