Модриќ изведе нова бравура, од Реал порачаа: Веќе немаме зборови за тебе….. (Видео)

Лука Модриќ нема клучна улога во тимот на Реал Мадрид како што беше во претходните десет сезони и мора да се адаптира на новата улога, но и во такви услови, искусниот играч за врска го дава најдоброто секогаш кога се наоѓа на теренот.

Хрватот беше инспиратор на „Ел Класико“ пресвртот против Барселона и беше посебно пофален од Карло Анчелоти, а со оглед на тоа што е највозрасен во соблекувалната на Реал, тој ужива и посебна почит кога се тренинзите во прашање.

Соиграчите често остануваат шокирани и воодушевени од потезите кои ги изведува маестро Лука, па така било и на вчерашниот тренинг во Валдебебас.

Модриќ уште еднаш го презентирал својот „тривела“ специјалитет и постигнал импресивен гол, по кој без текст останал Давид Алаба, но и администраторот на Реал.

– Веќе немаме зборови за твоите голчишта…..

🤯 ¡Ya no tengo palabras para tus GOLAZOS, @LukaModric10! #RMCity pic.twitter.com/OdMbmWzSCr

— Real Madrid C.F. (@realmadrid) November 9, 2023