Модриќ го продолжи договорот со Реал, па порача: Ова е мој дом, мој клуб…

Хрватскиот репрезентативец, Лука Модриќ и во иднина ќе биде дел од шпанскиот великан Реал Мадрид.

Играчот за врска ја прифати понудата од кралскиот клуб и ќе се задржи на „Сантијаго Бернабеу“ најмалку до 30 јуни 2025 година. Со ова продолжува приказната на Модриќ со Реал, приказна која започна пред повеќе од една деценија или поточно во 2012 година кога пристигна од премиерлигашот Тотенхем.

Останатото е историја, Лука ги освои сите можни титули со тимот, стана вистинска легенда, икона и во новата сезона заслужено ќе биде и капитен по заминувањето на Начо Фернандез во Саудиска Арабија.

-Ова е мој дом, мој клуб. Среќен сум што ќе продолжам да играм во најдобриот клуб на светот, -порача Модриќ.

Нареден кој ќе потпише нов договор со тимот од Ла Лига е Лукас Васкез.