Многу емоции во Фиренца: Бове седна на клупата на „Артемио Франки“ 22 дена по преживеаниот срцев удар (Видео)

Едоардо Бове претрпе срцев удар на 1-ви декември за време на натпреварот меѓу Фиорентина и Интер, а 22 дена подоцна повторно се најде на „местото на злосторството“.

Младиот играч за врска беше спасен благодарение на брзата реакција на фудбалерите и лекарите, па откако го надмина почетниот критичен период, пред извесно време беше ослободен од болница.

Пред да го направи тоа, Бове се согласи да му биде имплантиран дефибрилатор за следење на срцевиот ритам, помагало кое прави фудбалерот да биде далеку помирен во овој стресен период за него.

Бове изминативе денови беше составен дел од собирите на своите соиграчи, а денеска за првпат се појави и на „Артемио Франки“.

Едоардо доби место на клупата за резерви во близина на тренерот Паладино, па на моменти делеше и совети како прв помошник на тренерот.

Најемотивен беше моментот кога Бове беше покажан како седи на клупата преку видео-бимот на стадионот, по што жестоките скандирања од навивачите направија да видиме и солзи на лицето на 22-годишниот фудбалер.

Edoardo Bove could not hold back tears as he sat on the Fiorentina bench for the first time since his medical emergency, but he needed a special permit even to do that.#Bove #Fiorentina #SerieA #FiorentinaUdinese #SerieAEnilive #Calcio pic.twitter.com/2T8UaK9S3e

— Football Italia (@footballitalia) December 23, 2024

Edoardo Bove is back at the Stadio Artemio Franchi 💜#FiorentinaUdinese pic.twitter.com/7fqSVnrp0O

— Lega Serie A (@SerieA_EN) December 23, 2024