МЛС планира да се синхронизира со европските фудбалски лиги

Раководството на МЛС повеќе од било кога размислува за менување на натпреварувачкиот календар и негова синхронизација со тој на европските национални првенства.

Комесарот Дон Гарбер им открил на медиумите дека разговара со соработниците на МЛС околу ова прашање, но сепак истото бара посебна внимателност и сигурно ќе треба дополнителен период пред да биде донесена конечната одлука.

Сезоната во МЛС е во една календарска година, односно од февруари во декември, додека во Европа се игра од август до мај, а разликите создаваат повеќе проблеми за американската професионална лига.

Покрај проблемите за ангажирање фудбалери, МЛС клубовите мора да ги ослободат своите играчи за летните турнири во организација на ФИФА, а плејоф фазата се губи во медиумите поради НФЛ, МЛБ и натпреварите во НБА.

– Промените се комплицирани бидејќи работиме во три различни временски зони, со различни климатски услови и низ целиот континент. Секоја промена мора да биде многу издржана, – изјавил Гарбер.

МЛС размислува и за промени во структурата на поделба, во која би се вметнале дивизии по примерот на другите професионални американски лиги, како и во однос на промена на форматот на плејофот.