Младинците ја надиграа комбинираната американска колеџ селекција

Младинската селекција на Македонија забележа уште една победа во подготовките за Евробаскет, Дивизија А што ќе се одигра во Полска.

Нашите кошаркарки славеа над комбинираната американска колеџ селекција која настапи под името „Just right“. Избраниците на Смилковски триумфираа со 97:62 во дуел во кој беа подобри од ривалот во сите четири четвртини со тоа што најголемата разлика беше направена во вториот период со резултат 26:8.

Капитенот Симиќ реализираше 18.поени, Бојчев и Кечовски имаа по 13, Бошалески и Димитриевски по 12, а Стојаноски даде десет (имаше и девет скока најмногу во нашиот тим).

Утре двата тима ќе се соочат во уште еден тест од 17 часот во  СРЦ „Кале“ во Скопје.