Млади херои: Македонија со победа над Австрија го освои Европското првенство во Скопје!

Јуниорската репрезентација на Македонија одигра турнир за паметење во Скопје, па по осум победи на осум одиграни меча, сосема заслужено го понесе приматот на европски шампион во Б дивизијата на кошаркари до 18 години.

Со вчерашната убедлива победа над Бугарија, македонските надежи обезбедија место во А дивизијата, но за ова патување во престолнината да биде уште понезаборавно се изборија избраниците на Горан Андреевски со победа во големото финале.

Во дуелот на двете непоразени селекции на натпреварувањето во Скопје, Македонија авторитативно дојде до победа против Автрија и славеше со 98:88, а триумфот го најави уште во втората четвртина која ја доби со 25:15.

Македонија ја загуби само последната четвртина во која имаше и опуштање поради обезбедениот триумф, кој носи престиж и освоен пехар за селекцијата до 18 години.

Во перфектниот пат до трофејот, Македонија забележа дури осум победи, бидејќи покрај Австрија, претходно ги нанижа и селекциите на Ирска, Босна, Чешка, Кипар, Украина, Португалија и Бугарија.