МКФ ја отвори продажбата на билети за дуелот Македонија-Литванија

Македонската кошаркарска федерација денеска ја започна продажбата на билети за квалификацискиот натпревар на машката сениорска репрезентација против Литванија.

Првиот фаворит во нашата квалификациска група доаѓа на гости на 21. ноември (18 часот), во натпревар на кој на избраниците на селекторот Александар Јончевски ќе им треба сериозна поддршка од трибините во салата во СРЦ „Кале“.

Билетите се достапни преку онлајн платформата „мк тикетс“, односно преку нивната продажна мрежа во цела Македонија, а цената е популарна и изнесува 300 денари.

Купување и повеќе информации на следниот ЛИНК

Во досегашните две рунди од квалификациите и двете селекции загубија на гостувањето кај Естонија и имаат по една победа, со што го делат второто место.