Митровски: Имаме јасна цел, за националниот тим се дава 200 проценти!

Македонија ги започна подготовките за новото издание на Лигата на нации, издание кое ќе го отвориме со два натпревари во периодот од 7 до 10 септември со дуели против Фарски Острови и Ерменија.

Првиот тест е на гостински терен против Фарски Острови, селекција која не смее да се потцени особено кога игра пред своите гледачи.

Димитар Митровски е еден од репрезентативците кој е во најдобра форма, игра редовно во Вараждин, па е подготвен да даде максимум ако добие шанса од селекторот Милевски.

-Целта за нас е да го освоиме првото место во групата. Влегуваме како фаворити против Фарски Острови, но секој натпревар е тежок. Треба да се прилагодиме и на временските услови и теренот, но треба да бидеме позитивни и да го дадеме најдоброто за националниот тим, -порача Митровски.