Митревски: Нема што да загубиме, со помош на публиката…

Еурофарм Пелистер утре ќе го одигра првиот меч на домашен терен во новата сезона во Лигата на шампионите, средба на која за ривал ќе го има бундеслигашот Фуксе Берлин.

Двете екипи доживеаа порази на стартот на кампањата, па ова ќе биде нова шанса да се дојде до првите бодови. Гостите од Германија го имаат статусот на фаворити, меѓутоа „зелено-белите“ ќе играат на свој терен, ќе имаат поддршка од своите „Чкембари“ и се надеваат дека ќе се изборат за ситуација во која ќе можат да направат големо изненадување.

-Ќе биде задоволство да се игра против тим каков што е Фуксе Берлин, нема што да загубиме, може само многу да добиеме. Ова е шанса за докажување пред нашите навивачи, очекуваме полна сала, огромна поддршка од публиката, со нивна помош да пробаме да го оствариме тоа што не успеавме во претходниот натпревар, -порача голманот Никола Митревски.

Мечот е закажан за утре од 20:45 часот.