Митревски најдобар голман во соочувањето со Монпелје (ВИДЕО)

Порто на македонскиот репрезентативец Никола Митревски го претрпе четвртиот пораз во седмиот сезонски натпревар во Лигата на шампионите.

Португалскиот претставник беше немоќен на гостувањето во Франција кај Монпелје каде загуби со 35:24. Домаќините беа подобри во двата „периоди“, првиот го реализираа со 18:13, вториот со 17:11.

Карлсон со 10 гола беше прв стрелец, Плаза Хименез кај поразените пак беше водечки со 4 погодоци.

Нашиот Митревски пак беше најдобар поединец кога се во прашање голманите на овој меч (четворица од двете екипи), поточно имаше најдобар процент на спасени топки. Никола имаше 6 интервенции или поточно 37,5 проценти на одбранети удари.

Порто во наредното коло ќе му биде домаќин на Монпелје.