Митревски има негативен тест, чека дозвола од ЕХФ за да и се приклучи на репрезентацијата

За „Дерби“ од Унгарија,
Ристе Влахов

Македонската ракометна сениорска репрезентација денеска го игра првиот меч на Европското првенство, а во пресрет на истиот доаѓаат добри вести кои се однесуват на нашиот најдобар голман Никола Митревски.

Митревски во последен момент мораше да биде „прецртан“ од селекторот Кирил Лазаров поради позитивен тест на КОВИД-19, но голманот на Порто од тогаш направи неколку неколку антигени тестови и еден ПЦР тест и сите биле негативни.

Останува сега да се види дали ЕХФ ќе даде зелено светло и дали ние би можеле да го добиеме Митревски за средбата против Црна Гора која се игра на 15 јанаури.

Само да потсетиме на тоа претпоследно тестирање во Скопје позитивни на тестовите за КОВИД-19 беа уште Гоце Ојлески, Марко Кизиќ, Михајло Младеновиќ и кондицискиот тренер Петар Баснарков.