Митревски и Порто отворија со пораз на стартот во ЛШ

Порто гостуваше во Полска на отворањето на новата сезона во Лигата на шампионите, натпревар на кој претрпе пораз од Висла Плоцк со резултат 27:23.

Португалците влегоа како аутсајдери на оваа средба, не можеа да парираат на темпото кое го наметнаа домаќините од самиот старт, па контролата постојано беше во рацете на играчите од Полска.

На полувреме беше 14:10, Висла водеше и со плус шест во вториот дел, но во самата завршница, Порто се закани бидејќи првпат дојде блиско со резултатот 23:22.

После тоа следеше серија од 4:1 на домаќините, па со тоа беше осигураната победата која сепак во ниту еден момент не беше доведена во прашање.

Никола Митревски беше прв избор на голот кај Порто и мечот го заврши со четири успешни интервенции.