Митревски и Порто го загубија дербито со Спортинг

Порто на нашиот Никола Митревски доживеа пораз од Спортинг од 26:25 во дерби средбата од 11. коло во првата португалска лига.

Голема борба, неизвесност донесе пресметката на двете најдобри екипи во досегашниот дел од шампионатот, битка во која гостите го имаа последниот збори и се изборија за славје со кое го задржаа 100 процентниот учинок.

Овој гостински триумф на Спортинг може на крајот да се покаже и како пресуден во борбата за титулата, а во истиот се истакнаа Мартим и Француско Коста со по 9 и 7 голови.

Нашиот репрезентативец Митревски имаше 5 одбрани, прв стрелец беше Кристенсен со 6 погодоци.

Порто со 30 бода е на втората позиција, Спортинг со 33 останува лидер во Португалија.