Митјиланд со пресврт до место во групната фаза на ЛШ (ВИДЕО)

Екипата на Митјиланд ќе игра во групната фаза во Лигата на шампионите во натпреварувачката 2020/2021.

Данскиот првак успеа вечерва да направи голем успех и тоа откако со пресврт славеше над Славија Прага со 4-1. Домаќините уште на самиот старт примија гол преку Олајинка, а тоа ги стави во лоша позиција со оглед на тоа што првата средба во Чешка заврши без победник 0-0.

Овој резултат беше активен се од 65 минута од кога започна шоуто на фудбалерите на Митјиланд кои прво преку Каба израмнија на 1-1.  Беше драматично до самата завршница кога домашните играчи експлодираа, па од 84 до 91 испратија три топки во мрежата на противникот и со тоа си обезбедија билет за главната фаза во елитното натпреварување.

Таму ќе биде руски Краснодар кој по втор пат беше подобар од ПАОК со 2-1 како и австриски Салцбург. „Биковите“ славеа над Макаби ТА со 3-1 и со вкупни 5-2 го решија овој двомеч.