Мисијата „Лига на шампиони“ станува се потешка за Гвардиола и Сити (Видео)

Манчестер Сити одамна не е кандидат за титулата и стана јасно дека не може да го одбрани трофејот, но сега во прашање се доведува и втората главна мисија која си ја постави Пеп Гвардиола за завршницата од сезоната.

Не само што не се бори за трофејот, Сити во моментов делува како тим кој не делува доволно убедливо и за да влезе во топ четири, нешто за што доказ добивме и ова попладне.

„Граѓаните“ на двапати водеа против Брајтон и во два наврати ја испуштаа предноста, па во финишот беа на чекор да претрпат и болен пораз.

Ерлинг Халанд и Омар Мармуш носеа предност за фаворитот, но Брајтон се враќаше преку Еступињан, како и преку Хусанов кој си постигна несреќен автогол.

Во самата завршница од мечот, Нико Гонзалес од непосредна близина го погоди дирекот, но најдобрата шанса ја имаше Балеба во 82-та минута кога не реализираше зицер од идеална позиција.

Конечните 2:2 се многу подобар вест за Брајтон кој останува на седмата позиција, додека Сити не направи напредок и останува на петтото место на табелата.

Головите погледнете ги ТУКА