Мисердовски потпиша професионален договор со Работнички

Екипата на Работнички донесе доста засилувања во зимскиот преоден рок и со тоа најави подобри изданија во вториот дел од актуелнава кампања, но клубот од Дебар Маало размислува и подалеку и најдобар доказ за тоа е нивниот последен потег.

Популарните „романтичари“ потпишаа професионален договор со талентираниот Мартин Мисердовски. Мисердовски е најнов бисер од школата со тоа што оваа сезона ќе ја доврши во второлигашот Каменица Саса, па потоа ќе се врати во Работнички.

-Работнички цврсто чекори по својот пат, да инвестира во сопствените млади таленти и да им нуди можност за промоција и просперитет. Потпишавме професионален договор со Мартин Мисердовски, кој веруваме дека ќе израсне во нов квалитетен фудбалер и во иднина не само што ќе го носи дресот на Работнички, туку и ќе изгради интернационална кариера, -истакна спортскиот директор  Горан Станковски.