Миротиќ со емотивна порака го испрати Гасол во пензија

Пау Гасол реши да стави крај на својата успешна кошаркарска кариера, во која освои многу трофеи со клубовите и шпанската репрезентација, а долго настапуваше и во НБА лигата.

Информацијата дека Гасол се повлекува денеска иницираше и специјална порака од неговиот соиграч Никола Миротиќ, кој долго ја делеше соблекувалната со постариот колега.

– Колку многу среќа имав што можев да го делам овој спорт со тебе.

– За се што ме научи на и надвор од терените, ти си вистински пример и референца за спортист.

– Она што го оставаш зад себе ќе трае вечно, ти благодарам за се брате, – твитна Миротиќ.

Qué gran suerte he tenido de compartir este deporte contigo. Por todo lo que me has enseñado, dentro y fuera de pista. Un gran referente y ejemplo de deportista. Tu legado será eterno.
Gracias por todo, hermano. pic.twitter.com/faJxi6LVHv

— Nikola Mirotic (@NikolaMirotic33) October 6, 2021

Гасол ја завршува својата кариера како играч кој настапуваше за Барселона, Мемфис, Лос Анџелес Лејкерс, Чикаго, Сан Антонио, Мемфис и Портланд, освои две НБА титули со „езерџиите“, a како лидер на Шпанија, освои три Европски првенства и едно Светско првенство.