Миркуловски: Го клекнавме светскиот шампион на колена, ова чудо не смее да остане само добра епизода

Македонската ракометна репрезентација направи големо изненадување и славеше над Данска со 33-29 во вечерашната битка од квалификациите за пласман на Европското првенство.

„Црвено-жолтите“ се покажаа во едно сосема поинакво светло од она на мундијалот во Египет, поточно селекторот Кире Лазаров заедно со соработниците успеале за кратко време да поправат многу работи како во одбраната, така и во нападот и со тоа да се надигра актуелсниот светски шампион.

Голема улога во триумфот имаше и повратникот Филип Миркуловски кој со своето знаење, квалитет, искуство донесе смиреност, компактност и кога беше најпотребно беше на највисоко ниво.

Токму популарниот Жути испрати јасна и директна порака по вечерашното славје во Борис Трајковски.

-Докажавме дека со позитивна енергија и мотивација, квалитетот на младоста измешан со нашето искуство го клекна светскиот шампион на колена. Чудо кое не смее да остане само вечерна добра епизода. Продолжуваме уште по посветено за Македонија, -порача Миркуловски.