Миовски влезе и донесе победа за Македонија против Фарски Острови (ВИДЕО)

Македонската сениорска фудбалска репрезентација издвојува победа над Фарски Острови (1-0) на пријателскиот меч кој оваа вечер се одигра на Националната арена „Тодор Проески“ во Скопје.

Нашиот национален состав имаше повеќе од играта, беше поконретен, ама дури во самиот финиш го скрши отпорот на гостите. Во првиот дел ни беше поништен погодок на Етеми поради сомнителен офсајд, додека пак Алиоски ја погоди рамката од голот на Фарски Острови.

Пред паузата Радосавлевиќ можеше да не шокира, ама на реализираше одлична шанса.

Во вториот дел направи неколку измени, ги внесе во игра Елмас и Миовски кои ги имаа најдобрите шанси со тоа што првиот не ја искорсти, а овој вториот во 81 стрелаше на вистинското место за триумф на „црвено-црните“.

Со ова избраниците на Благоја Милевски на најдобар начин го заокуржија овој мартовски „прозорец“ во кој ја добивме и Малта во квалификациите за ЕП.

Следниот собир е во јуни каде не очекуваат две квалификациски дуели против Украина на домашен терен и Англија на „Олд Трафорд“.