Миовски: Се исполни прогнозата на селекторот

Македонија повторно се мачеше на еден натпревар против Фарски Острови, но за разлика од мечот со Торшавн, денеска успеа да постигне победнички гол и да запише петта победа во групната фаза во Лигата на нации.

Избраниците на Благоја Милевски ја продолжија импресивната серија и на петти меч не примија ниту еден гол, а денеска главната разлика за победа ја направи погодокот на Бојан Миовски.

Напаѓачот на Џирона дочека грешка на противничкиот стопер и потоа мирно и рутински биеше во мрежата на противникот, па со оваа победа Македонија си ги зголеми шансите за бараж за СП преку Лигата на нации.

– На почетокот на ова издание на Лигата на нации, главна цел ни беше првото место. Овој натпревар беше тежок, противникот дојде со самодоверба и знаевме против кого играме.

– Мора да се каже дека играа доста добар фудбал, одлично се бранеа во систем 5-4-1. На овој терен тоа не ни одеше во прилог, но останавме мирни и ја дочекавме нашата шанса. Селекторот ја испрати таа порака на полувреме и побара да ја чекаме нашата шанса. На крајот прогнозата на селекторот се исполни, дочекав една и успеав да ја реализирам и навистина сум среќен поради тоа, – изјави Миовски.