Миовски позираше во дресот на Каталонците: Ќе дадам се од себе за Жирона

Како и што беше претходно најавено, од денес македонскиот репрезентативец, Бојан Миовски и официјално е промовиран како нов фудбалер на шпанскиот тим Жирона.

Миовски на тој начин кариерата од Шкотска ќе ја продолжи во Шпанија каде пристига по трансфер од Абердин каде шро блесна минатата сезона.

На промоцијата во Џирона од страна на клубот денес пред медиумите беа присутни претседателот и спортски директор на Каталонците.

Воедно Бојан го имаше и своето прво обраќање пред претставниците на медиумите каде што ги изнесе своите очекувања за предизвиците што следат.

„Не беше тешка одлука за менде да потпишам за Жирона. Цел живот напорно тренирав за една ваква шанса, за можност да игра во Лигата на шампионите.За ова секој фудбалер тренира од мали нозе, се надева дека еден ден ќе ги исполни своите соништа. Се запознав со соиграчите, се приклучив на тренинзите, имаме одличен тренер со кого имав неколку разговори и подготвен сум да дадам сѐ од себе за да ги исполниме целите на клубот“, кажа Миовски и додаде:

„Во Шкотска се играше повеќе на физикалии, додека туку повеќе ќе се обрнува внимание на тактиката, што ми одговара. Едвај чекам да го почнеме настапот во ЛШ. Не се плашам што доаѓам на место на Довбик. Јас сум различен тип на напаѓач, но и покрај тоа ќе сторам се за да постигнам што е можно повеќе голови“