Миовски конечно стартер, Џирона падна на „Месталја“ (ВИДЕО)

Џирона на македонскиот напаѓач Бојан Миовски претрпе пораз од Валенсија со 2-0 на средбата од шестото коло во шпанската Примера.

Миовски конечно доби шанса (не доби ниту минута против Барселона и Пари Сен Жермен) и беше активен од првата минута на „Месталја“, меѓутоа и неговото присуство не помогна клубот од Каталонија да оствари позитивен резултат на ова гостување кое секогаш е незгодно без разлика што Валенсија е далеку од оние славни минати времиња.

Се беше решено во период од две минути и тоа од 56 до 58 минута кога домаќините дадоа два слични голови со помош на противничките играчи.

Првиот официјално е запишан како автогол на Хуанпе, а вториот дело на Гомез.

Бојан беше активен до 78 минута кога беше заменет со ветеранот Стуани.