Миовски го комплетираше незаборавното лето со уште еден момент за паметење (Фото)

Бојан Миовски вчера постигна гол за потврда на победата против Ерменија и само покажа дека е ударна игла во нападот на Македонија, но денот за пауза сега го искористи за да сподели и убава вест со сите свои следбеници на социјалните мрежи.

Македонската „9-ка“ бележи незаборавни моменти на фудбалскиот терен и неговата кариера се развива на најдобар можен начин, па така по трансферот во Џирона и постигнатиот гол против Ерменија, сега имаше објава за незаборавен ден во неговиот живот.

Избраничката Сара му кажа „ДА“ уште пред неколку месеци, но сега двајцата ја завериле љубовата со брак и венчални прстени, за што доказ се и објавените фотографии на социјалните мрежи.

Миовски се пофали за убавиот и незаборавен чин, а истиот го одбележа со симбол за бесконечност.

Редакцијата на „Дерби“ има само убави желби за новиот брачен пар, но исто така му посакува и многу среќа во новата животна авантура во Шпанија.

 

View this post on Instagram

 

A post shared by Bojan Miovski (@miovskibojan)