Министерот Борко Ристовски гостин на францускиот амбасадор Кристоф Ле Риголер

На покана на новоименуваниот амбасадор на Република Франција, негова екселенција Кристоф Ле Риголер, министерот за спорт Борко Ристовски беше гостин на настанот организиран од француската амбасада во Скопје, посветен на спортот и неодамна завршените Олимписки и Параолимписки игри во Париз, како дел од меѓународната кампања насловена „Make it Iconic“.

На настанот на кој се славеше спортот и спортските достигнувања, министерот Ристовски оствари и протоколарна средба со амбасадорот Ле Риголер.

-На средбата разговаравме за актуелните состојби во спортот. Амбасадорот Ле Риголер изрази безрезервна поддршка за враќање на довербата во институциите преку бескомпромисна борба против корупцијата во спортот и враќање на вистинските спортски вредности, напорна спортска работа и успех на меѓународна сцена – истакна Ристовски.

На француската вечер посветена на спортот со посебен акцент на олимпизмот и на годинешните Олимписки и Параолимписки Игри во Париз, присуствуваа и спортисти учеснции на ОИ, спортисти кои во минатото биле дел од француски клубови, претседатели на спортски федерации и спортски новинари.