Миловановиќ повторно ќе го носи дресот на Тиквеш, Струга се пофали со првото зимско засилување (ФОТО)

Македонските фудбалски прволигаши Тиквеш и Струга Трим Љум повлекоа потези на пазарот и се пофалија со засилувања за вториот дел од шампионатот.

Клубот од Кавадарци го врати во своите редови Даниел Миловановиќ, играч на кого оваа средина му е добра позната, играч кој исто така добро ја знае домашната сцена затоа што беше дел од Брера Струмица (Академија Пандев), плус може да се пофали и со искуство надвор од нашите граници во Италија и Унгарија.

Актуелниот првак пак Струга го официјализираше првото зимско засилување и тоа во името на 20-годишниот Меметриза Хамза. Тој потекнува од школата на Шкендија, потоа настапуваше за Беса од Добридол, а во новиот тим доаѓа од редовите на второлигашот Башкими.