Милосављев со специјален подарок до својот ментор во Вардар: Слика која буди многу спомени (Фото)

Заминувањето на Арпад Штербик од Вардар требаше да претставува огромна празнина која тешко може да се надополни, но сосема спротивното ни го демонстрираше Дејан Милосављев кој во само една година ги освои срцата на вардаровите ракометари.

Младиот српски голман кој беше комплетен анонимус пред пристигнувањето во Скопје, и се претстави на Европа како еден од најталентираните чувари на мрежата бранејќи ги „црвено-црните“ бои, а во својата прва и единствена сезона во Вардар, успеа да го подигне трофејот во Лигата на шампионите.

Милосављев како европски првак се пресели во Фуксе Берлин откако си договори нов ангажман по настанатата голема финансиска криза, а во денови кога се одбележува едногодишнина од големиот успех во Келн, Србинот се сретна со својот ментор и му даде специјален подарок.

Дејан Периќ долги години е тренер на голманите на Вардар, а како човек кој е омилен меѓу сите чувари на мрежата кои пристигнаа во Скопје, ужива огромни симпатии од сите играчи.

– До најдобриот голмански тренер, ментор и животен учител. Слика која ни ги враќа спомените, кога ќе ја погледнеме, ќе се потсетиме на убавите работи кои ги доживеавме работејќи заедно. Ти благодарам за се Перке мој и се надевам дека во блиска иднина повторно ќе ни се спојат патиштата, – порача Милосављев.

View this post on Instagram

Najboljem golmanskom treneru, mentoru i zivotnom ucitelju 🏆🥇 Slika koja ce nam vracati uspomene, kada je pogledamo podsetice nas na lepe stvari koje smo proziveli radeci zajedno💪 Hvala na svemu do sad Perke moj i nadam se da ce nam se u sto blizoj buducnosti putevi ponovo spojiti! ! #NaKrovuEvrope 02.06.2019.

A post shared by Dejan Milosavljev (@dejanmilosavljev) on Jun 4, 2020 at 5:58pm PDT