Милито предвиде што може да биде клучно за трансферот на Лаутаро во Барса

Диего Милито беше херојот на Интер во незаборавното финале во Лигата на шампионите по кое Интер ја осигура историската триплета, а бидејќи 10 години подоцна еден од лидерите во нападот на Интер е еден негов талентиран сонародник, легендарниот голгетер даде свој искрен став најавената трансфер сага.

Не е никаква тајна дека Барселона силно го посакува талентираниот Лаутаро Мартинез кој го прикажа својот раскошен потенцијал во Интер, па во ситуација кога секојдневно се пренесуваат различни шпекулации за неговиот премин на „Камп Ноу“, Милито прогнозира дека клучно може да биде тоа што младиот напаѓач има можност да игра во ист тим со Лионел Меси.

– Лаутаро е во Интер бидејќи станува збор за одличен играч. Одлично му оди во Интер, но мислам дека играњето во Барселона со Меси ќе биде фантастична можност за него. Слушнав навистина доста работи, но не знам што точно ќе се случи. Можам да кажам дека Лаутаро е комплетен играч и може да прави брилијантни работи, – Милито во интервјуто за „Мовистар“.