Милитао пронајде една позитивна страна во новата ужасна повреда која ја заработи (Фото)

Едер Милитао вторпат во 15 месеци ќе мора да прави тешка операција на коленото, овојпат на десното кое го повреди вчера на натпреварот против Осасуна.

Бразилецот сам си нанесе штета по 30 минути игра и стана јасно дека се работи за нешто сериозо, а за жал деталните лекарски прегледи само покажаа дека станува збор за најлошото.

Покрај предниот вкрстен лигамент, Милитао ги скинал и двата менискуси на десното колено, па сега ќе биде во аут девет месеци.

Милитао заработи идентична повреда на левото колено на стартот на минатата сезона, а фактот што веќе го има изодено овој тежок пат е единствена светла страна во целата оваа мрачна ситуација.

– Ви Благодарам на сите за пораките, за љубовта и поддршката! Тоа е само уште една борба во патот до победата. Добро е што веќе го знам патот за назад, откажувањето не е дел од мојата приказна!, – порача Милитао.

Obrigado a todos pelas mensagens, pelo carinho e pelo apoio! É só mais uma luta pra vencer e eu já conheço bem o caminho da volta, desistir não faz parte da minha história! 💪🏾🙏🏾 pic.twitter.com/y98Qffyn8C

— Éder Militão (@edermilitao) November 9, 2024