„Милионерите“ покажаа две лица: Дортмунд со голем пресврт до „три од три“ на „Сигнал Идуна Парк“(ВИДЕО)

Борусија Дортмунд успеа со голем пресврт да дојде до победа над Бохум на отварањето на петтото коло во германската Бундеслига.

„Милионерите“ и на оваа средба покажаа слабости, две лица, меѓутоа пронајдоа начин да слават со 4-2 иако по 21 минута игра губеа со 2-0 на „Сигнал Идуна Парк“ со головите кои ги постигнаа Беро и Де Вит.

Во финишот на првиот дел домаќините го зададоа првиот удар преку Гираси, погодок кој дефинитивно ја врати самодовербата и енергијата пред паузата.

Џан во 62 преку удар од 11 метри донесе 2-2, а пак потоа Гираси и Нмеча реализираа за пресврт и три бода на клубот од Дортмунд.

Со ова Борусија го задржа перфектниот учинок во својот дом каде има „три од три“ во шампионатот.