Милинковиќ-Савиќ донел конечна одлука за својата иднина

Сергеј Милинковиќ-Савиќ донел конечна одлука за следната етапа во својата кариера и таа не е поврзана со актуелниот клуб Лацио.

По многу шпекулации изминатите години, српскиот репрезентативец пресекол дека сака нов предизвик и не планира да го продолжи договорот со римскиот клуб.

27-годишниот играч од средниот ред смета дека претстојново лето е вистински момент за трансфер и ќе инсистира на збогување со Лацио, клубот кој веројатно нема да му прави проблеми поради лојалноста изминатите сезони, во кои Србинот добиваше многу понуди од повеќе земји.

Договорот на Милинковиќ-Савиќ истекува во 2024 година, па ова лето ќе биде најоптимална варијанта за двете страни, бидејќи и Лацио ќе може да заработи солидна сума од трансферот.

Србинот е дел од Лацио од 2015 година и веќе има 322 натпревари и 64 гола.