Милик: Секогаш сум сонувал да играм за клуб како Јувентус

Јувентус игра далеку под очекуваното ниво во оваа сезона, но ако мора да се најде некоја светла точка тоа дефинитивно е напаѓачот Аркадиуш Милик.

Полјакот дојде во Торино во летниот преоден рок и остави добар впечаток во досегашниот дел со три погодоци на шест натпревари во сите конкуренции. Милик сака да се докажува, да „гризе“, а една од приините за тоа е што настапува за клуб за кого сонувал како дете.

-Се чувствувам навистина добро со дресот на Јуве на мојот грб. Му реков на мојот агент да не ми пречи освен ако нема конкретна понуда, па по Марсеј-Нант се јави и рече дека Јуве е заинтересиран. Тој одлета на разговори и тоа беше прв пат да дознаам дека навистина има нешто повеќе од обичен контакт.

-Изборот не траеше долго, бидејќи секогаш ми беше сон да играм за клуб како Јуве. Сакав врвен тим уште од мало момче и можеме да ги изброиме ваквите клубови на прстите на двете раце. Ја искористив шансата и немав што да загубам, -порача полскиот репрезентативец кој и во минатото беше блиску до „бјанконерите“.

-Вистина е јас бев блиску до трансфер во Јуве во минатото, но двата клуба треба да постигнат договор. Во тоа време, немаше договор и затоа не отидов во Јуве. Наполи ја одби и понудата на Рома, која нудеше повеќе пари. Тоа беше нивна одлука и јас ја почитував. Среќен сум што сега имам шанса да играм за Јуве, бидејќи ми е чест да се биде во толку голем клуб.

-Забавното е што секогаш кога ќе бев блиску до приселба во Јуве, Шчесни ми се јавуваше. Не знам како дозна за трансферот, но кога се јави сè уште немаше ништо во медиумите, -заклучи летното засилување на калчолигашот.