Милевски: Знаев дека ќе ни биде потешко, Македонија ја оствари најважната цел

Македонија славеше со 1:0 на дуелот со Летонија од Лигата на нации и само ја зголеми предноста во однос на ривалите во својата група, а првото место гарантира место во поелитната и поквалитетна Б дивизија на ова натпреварување.

Селекторот Благоја Милевски може да биде задоволен од триумфот пред домашните фанови во Скопје, а по натпреварот им се заблагодари на репрезентативците за покажаната мотивација и желба да се стигне до нови три бода во групата.

– Им честитам на фудбалерите за трпението и решителноста, стигнавме до тешка, но сепак заслужена победа. Ја остваривме најважната цел, а тоа е пласман во Б дивизијата.

– Знаев дека ова ќе биде поразличен натпревар од тој во Рига, но стигнавме до победата, иако можеби требаше да постигнеме уште некој гол, за порано да ја потврдиме. Тешко е напаѓачите да дојдат до израз кога играте против екипа со толку густа одбрана.

– Нашата одбрана беше на ниво, остваривме уште една победа без примен гол. Сега ни останува да се фокусираме на следниот натпревар, односно дуелот со Фарските Острови, па потоа да гледаме на пласманот и следната фаза, – истакна Милевски на прес-конференцијата.