Милевски направи три измени во стартниот тим, од кои две се во одбраната

Селекторот Благоја Милевски на вчерашната прес-конференција најави дека ќе направи неколку корекции во стартниот тим, а на еден час пред дуелот со Ерменија стана познато дека станува збор за три измени.

Милевски јасно стави до знаење дека не е задоволен од Иљазовски и Митровски уште по првото полувреме во Торшавн, но покрај нив двајца, од почетниот тим вечерва испадна и стоперот Никола Серафимов.

На местото на Иљазовски, задолжен на десната бековска позиција вечерва ќе биде Ашковски, Ѓоко Зајков ќе биде во срцето на одбраната на местото на Серафимов, додека Давид Бабунски добива шанса на местото на Митровски.

Останатите осум позиции се резервирани за истите играчи кои излего на теренот на Фарски Острови, па така напаѓачката тројка ја сочинуваат Чурлинов, Елмас и Миовски, поддржани од Барди и Алими како коректори во средниот ред.

Стартен тим: Димитриевски, Димоски, Муслиу, Зајков, Ашковски, Бабунски, Алими, Барди, Елмас, Чурлинов, Миовски.