Милевски го соопшти списокот за Малта, Здравковски ново име во националниот тим (ФОТО)

Предводникот на македонската фудбалска репрезентација, Благоја Милевски го соопшти списокот на играчи на кои ќе смета за престојните дуели против Малта и Фарски Острови.

Против Малта ги започнуваме квалификациите за Европското првенство и тоа со средба закажана за 23 март, додека неколку дена подоцна (27 март) ќе одиграме пријателска со Фарски Острови.

За овој собир, предизвици, селекторот Милевски повика едно ново име во составот-тоа е поранешниот капитен на младата репрезентација Давор Здравковски. Здравковски игра одлично во АЕЛ Лимасол. стандарден е кај Чед Јаневски и дефинитивно го заслужи овој повик.

Од оние стандардните ги нема Стефан Спировски и Бобан Николов поради слаба минутажа и форма.

Во селекцијата одново е и дефанзивецот на Шкупи, Владица Брдаровски.