Милевски: Го имам стартниот тим во главата, нашата цел е јасна!

Македонија утре го започнува циклусот на квалификациите за Светското првенство кое во 2026 година ќе се одржи во Соединетите Американски Држави, Канада и Мексико.

Првиот ривал ни е селекцијата на Лихтенштајн која не пречекува утре од 15 часот во Вадуц. Лихтенштајн е репрезентација која двапати ја совладавме во претходните мундијалски квалификации со 5-0 и 4-0 и целта е јасна, целта е единствена да ги освоиме три бода.

–Максимално се подготвуваме за натпреварот. Би било добро да почнеме со победа и да ја продолжиме серијата позитивни резултати, но до бодови можеме само со нашето најдобро издание. 

-Ме радува што фудбалерите играат во своите клубови, имавме доста проблеми минатата година со неиграњето на репрезентативците во клубовите. Но, тие секогаш даваа максимум кога играа за селекцијата. Верувам дека сега ќе биде само подобро. За да победите мора сите линии да се на високо ниво, сите фудбалери се битни и нашиот фокус е да функционираме до максимум. Неколку фудбалери не можат да ни помогнат заради повреда, го имам стартниот тим во главата и верувам дека сите ќе бидат здрави по последниот тренинг. Имаме максимален респект и убеден сум во максимален пристап-порача селекторот Благоја Милевски.