Милевски без респект и со офанзивна тактика против „фуријата“, Алења и Пуч се главни ѕвезди на моќната Шпанија (Фото)

На еден час пред стартот на дуелот во Скопје, Благоја Милевски ја одреди стартната постава за натпреварот против силната Шпанија, селекција која е составена од многу звучни имиња и која треба да ни покаже на кое ниво е нашата младинска репрезентација.

Најуспешниот тренер во историјата на младинскиот фудбал одново се одлучи за офанзивна формација, не отстапувајќи од својата фудбалска филозофија, а во почетните 11 нема големи изненадувања.

За разлика од обично, овојпат во првиот тим го нема Јани Атанасов кој во моментот е без клуб, па лидери во везниот ред ќе бидат Здравковски, Фазлагиќ и Гроздановски.

Во формацијата 4-3-3, дефанзивната линија ја сочинуваат Антовски, Тодоровски, Руфати и Серафимов, додека на голот е Јанков. Македонскиот напад е сочинет од Митровски и Чурлинов кои ќе делуваат како крила, а во центарот на офанзивата е Ристовски.

Денеска, со идентична формација 4-3-3 ќе настапи и Шпанија, а главни ѕвезди во овој нивни состав се Карлос Алења и Рики Пуч од Барселона.