Милев: Знаеме што треба да поправиме во нашата игра

Македонските одбојкари остварија победа над Босна и Херцеговина со 3:1 во сетови во првата средба од квалификациите за пласман на Европското првенство.

Нашите „спартанци“ не одиграа како што посакуваа, меѓутоа она што е позитивно е фактот што е забележан триумф, поточно е направен првиот чекор кон новиот собир на најдобрите селекции на стариот континент.

Капитенот Никола Ѓоргиев веќе порача дека треба да се поправат многу работи во нашата игра, а со тоа се согласува и Владо Милев.

-Лесен е одговорот на прашањето што треба да поправиме во нашата игра. Треба да поправиме се, да бидеме многу подобри во секој елемент. Да се браниме подобро, да го организираме нападот за посигурни позиции и да бидеме поефикасни во реализацијата. Долго сум во репрезентацијата и мислам дека можеме да го направиме тоа, – вели Милев.

Утре се соочуваме со Турција, натпреварот се игра од 18 часот во СЦ „Борис Трајковски“.