Милер за соиграчот кој сака да остане во Баерн: Се надевам дека и понатаму ќе ме чува

Томас Милер е еден од играчите кој секогаш зборува отворено и искрено без разлика дали тоа е играта на неговата екипа, резултатите или пак некоја друга ситуација.

Уште еден пример за тоа е неговата најнова реакција, порака до клубот која се однесува на искусниот Џером Боатенг. Дефанзивецот е во последните шест месеци од актуелниот договор и останува под знак прашалник дали ќе продолжи на „Алијанц Арена“ без разлика на тоа што во оваа кампања е стандарден кај Ханси Флик.

-Тој во моментов е со нас. Тој сè уште има договор до летото. Со потпис на вистинската хартија, тоа би било направено и за иднината. Џером е долго крај мене и нема да биде лошо ако некое време внимава на мене, -вели Милер.