Милер со мајсторија ја потврди победата и доби посебно место во клупската историја на Баерн (Видео)

Томас Милер денеска влезе од клупата за резервни играчи на дуелот меѓу Баерн Минхен и Фрајбург, а неговиот настап има посебно значење не само за сопствената кариера, туку и во историјата на неговиот клуб.

Ветеранот реализираше на мајсторски начин во 78. минута, зголемувајќи го водството на домаќините на 2:0 и на тој начин потврдувајќи ја победата на Баерн на домашен терен во Бундеслигата.

Она по што денешниот настап е позначаен е фактот што за Милер тоа е 710-ти настап во дресот на Баерн, со што стана нов рекордер и испиша клупска историја.

Милер го надмина легендарниот Сеп Мајер кој со децении беше сопственик на рекордот со 709 настапи за Баерн, а далеку на третото место е Оливер Кан со 632 настапи.

🚨🇩🇪 GOAL | Bayern Munich 2-0 Freiburg | Thomas Muller

THOMAS MULLER DOUBLES THE LEAD!pic.twitter.com/dBDsWX1RZr

— Tekkers Foot (@tekkersfoot) September 1, 2024

Претходно, Хари Кејн од пенал донесе почетно водство за Баерн, а Фрајбург не реализираше пенал во судиското надополнување, па тимот на Венсан Компани славеше со 2:0.