Милер распали по соиграчите од Баерн за однесувањето по елиминацијата од третолигашот (Фото)

Томас Милер е вистиска легенда на Баерн Минхен и еден од капитените во првиот тим, а како играч со огромно искуство, вчера покажа класа и во ситуација кога тимот претрпе еден од најболните порази во поновата историја.

Германскиот првак се посрамоти во раната фаза на Купот и доживеа елиминација од Сарбрикен, тим кој се натпреварува во третата германска фудбалска лига и кој вчера успеа да победи 2:1 со гол во 97-та минута.

Шокантниот пораз донесе неочекуван потрес кај баварскиот великан кој во последно време ја поправи формата, а гостинските навивачи беа бесни на своите фудбалери, освен на оние неколкумина што дојдоа да ги поздрават по мечот.

Томас Милер, Џошуа Кимих, Лерој Сане, Матијс Тел и Буна Сар беа единствените кои заминаа до гостинската трибина да ги поздрават навивачите, а Милер дури водеше и разговор со дел од нервозните фанови.

– Логично е, навивачите секогаш многу повеќе се грижат за резултатот по крајот на натпреварот. Во фудбалот може да загубите на еден меч, но мора и да ја прифатам лутината на фановите. Неприфатливо беше тоа што само четири или пет играчи дојдоа да ги поздрават навивачите.

– Луѓето дојдоа до тука, дојдоа да не бодрат и најмалку што може да направите е да им возвратите на крајот од мечот. Требаше да се покаже само респект, но многумина не го направија тоа. Тоа однесување е неприфатливо и секако дека ќе го промениме ова лице на другите фудбалери во блиска иднина, – најави Милер.

Only Thomas Müller, Joshua Kimmich, Leroy Sané, Mathys Tel and Bouna Sarr acknowledged the away fans after the game. The rest of the players went straight to the dressing room

Müller criticized his teammates for failing to acknowledge the fans: "Logically, as is so often the… pic.twitter.com/B50zIatdRE

— Bayern & Germany (@iMiaSanMia) November 1, 2023