Миленковиќ: Ван Дајк е ѕвер, но Видиќ…

Никола Миленковиќ од оваа сезона е дел од Премиер лигата поточно од Нотингем Форест во кој се пресели од редовите на Фиорентина.

Тој седум години настапуваше во Калчо лигата и сигурно ќе му биде потребно време да се навикне на фудбалот на островот, но ќе мора брзо да учи и во тоа можат да му помогнат натпревари како што е викендов, битката со Ливерпул на „Енфилд Роуд“.

Таа средба е закажана за в сабота од 16 часот, а пред истата Србинот имаше можност да направи споредба меѓу Вирџил Ван Дајк и Немања Видиќ кој своевремено беше меѓу најдобрите стопери во лигата.

-Секако и двајцата се многу добри играчи, но за нас Србите Видиќ е нашиот најдобар дефанзивец на сите времиња. Секогаш ќе кажеме дека Видиќ е најдобар, но и Вирџил ван Дијк е вистински ѕвер и многу добар играч, -порачал Миленковиќ за „Скај Спортс“.