Миленкоски ќе го води ПАОК и во наредната сезона

Селекторот на македонската одбојкарска репрезентација, Јошко Миленкоски го реши клупското прашање или поточно одлучи да продолжи да биде тренер на ПАОК.

Миленкоски имаше и други понуди на маса, но ја прифати понудата од грчкиот прволигаш со кого го освои Купот, а играше и во финалето на првенството.

-Имав неколку понуди, размислив и одлучив да продолжам со Паок. Навивачите одлично ме прифатија, имам одлична соработка со сите во клубот, блиску сум до дома, а тоа се фактори коишто беа доволни за да го продолжам ангажманот во Грција, -истакна Миленкоски.

Јошко долго време е во одбојката, има работено во повеќе земји, клубови во Европа и надвор од неа, а во моментов заедно со нашата репрезентација има обврски во  Европската златна лига.