Милано на Димитријевиќ остана со празни раце, Тренто го освои Купот на Италија

Составот на Тренто направи изненадување и ја доби битката со Олимпија Милано во финалето на Купот на Италија.

Евролигашот важеше за голем фаворит во финалето, но како и многупати досега се докажа дека кога се работи за Куп и еден меч се е возможно, па така Тренто ги надигра избраниците на Еторе Месина и сосема заслужено го освои трофејот со победата од 79:63.

Победникот ги доби сите четири четвртини и притоа одигра одлична одбрана во текот на сите 40 минути и потврда за тоа е и фактот дека во сите периоди го задржаа противникот под 20 постигнати кошеви (најефикасните четвртини на фаворитот беа со 17 поени).

Форд беше вистински лидер со 24 поени, Миротиќ пак на спротивната страна имаше 20 кошеви.

Македонскиот репрезентативец Димитријевиќ имаше скромен настап со 1 поен и 1 скок за 12 минути.