Милано му ја прекина серијата на Реал Мадрид во Евролигата

Италијански Милано успеа да го изненади Реал Мадрид на гостувањето во Евролигата (86:90) и на тој начин ја прекина долгата серија без пораз на шпанскиот клуб во најелитното европско натпреварување.

Во завршницата клучен играч за Милано беше поранешниот член на Реал, Серхио Родригез, кој со мини серија ги обезбеди бодовите за својата екипа, која стигна до десеттата победа.

Родригез со 17 и Дилејни со 14 поени биле најефикасни кај победникот, додека во домашниот тим најдобар реализатор бил Керол со 20 поени.

Анадолу Ефес по ова коло ќе има девет победи и исто толку порази, а го победи Лион-Вилербан на гостински терен со убедливи 80:102.

Мициќ одиграл уште еден одличен натпревар, постигнувајќи 23 поени, додека реализаторски го следеле Ларкин и Синглтон со по 16 поени.

Претходно, Олимпијакос го победи Баерн Минхен со 84:82, а Жалгирис беше преубедлив против Химки (102:75).