Милано: Ќе напредуваме на секое поле, заедно ќе успееме во исполнување на поставените задачи

Аргентинскиот стратег Гиљермо Милано го започна мандатот како предводник на двократниот европски шампион Вардар.

Милано на крајот на минатиот месец беше назначен за нов тренер на „црвено-црните“, но беше познато дека нема веднаш да ја преземе екипата, односно ќе помине некое време за да изминативе денови пристигне во Скопје и се фати за работа.

Тој имаше можност да се запознае со тимот, да одработи неколку тренинзи и е оптимист дека ќе можат да се остварат посакуваните цели и резултати.

-Со нетрпение го очекував доаѓањето во Скопје и запознавањето со ракометарите, и веќе ги имав и првите тренизни со екипата. Морам да кажам дека како тим со кој ќе раководам имам вистински професионалци кои ми оставија одличен впечаток.

-Првите впечатоци се одлични, и очекувам, и знам дека ќе напредуваме на секое поле. Не очекува период полн со натпревари, но верувам дека сите заедно ќе успеме во исполнување на поставените задачи, -порача Милано за официјалниот сајт на клубот.

Дебито како стратег на македонскиот прволигаш ќе го има во сабота на мечот против Струга во Суперлигата.