Милан веќе го отпишал Манџукиќ

Марио Манџукиќ потпиша за Милан како сериозно засилување во нападот и важен повратник во Серија А, но клубот не е задоволен од соработката и не планира да го задржи во иднина.

Новинарот Николо Шира тврди дека Хрватот има договор со Милан на неколку месеци и истиот нема да биде продолжен, иако клубот има можност за такво нешто.

Манџукиќ имаше неколку проблеми со повреди и одигра само 76 минути во Серија А, па Милан очигледно не планира да ризикува на дополнителен период во кој искусниот напаѓач би добивал и солидна сума во вид на плата.

За разлика од хрватскиот интернационалец, се појасно е дека Златан Ибрахимовиќ ќе го продолжи договорот со Милан и ќе биде дел од тимот и следната сезона.

Ибрахимовиќ за едногодишната соработка до следното лето ќе добие 6,5 милиони евра плус евентуални бонуси.