Милан со интересна симболика ја најави важната вест за Ибрахимовиќ (Видео)

Златан Ибрахимовиќ го промени ликот на Милан откако се врати во овој клуб пред 14 месеци, а со оглед на тоа што договорот му истекува на крајот на оваа сезона, клубот не чекаше последен момент и позитивно одговори на сите барања кои ги имаше Швеѓанецот.

Ибра и официјално ќе го гледаме во Серија А и во дресот на Милан и наредната натпреварувачка сезона, откако „Скај“ јавува дека сите детали за продолжување на соработката се договорени, информација за која прва најава пристигна и од клубот.

Според пишувањата на угледниот медиум, Ибра прифатил мало намалување на платата и следната сезона ќе има бруто плата од 6,5 милиони евра, со тоа што во договорот ќе има вклучено и бонуси за одредени остварувања во текот на сезоната.

Златан има постигнато 15 гола на 17 натпревари во Серија А оваа сезона, а потпишувањето на новиот договор значи дека Ибра ќе игра фудбал и на 40 години.

– Што се случува? , – запраша Милан на Твитер апострофирајќи ја буквата З, со што јасно најави дека ќе следи официјално соопштение во наредните неколку часа.

What’Z happening? ⏳ #SempreMilan #ReadyToUnleash pic.twitter.com/RnQOgDOkhs

— AC Milan (@acmilan) April 22, 2021